ရိုဇဟ်၏ ကဿွာနှင့် ကဖ်ဖာရဟ်၏ မတ်စ်အလဟ်များ

ကဖ်ဖာရဟ်၏ မတ်စ်အလာနှင့် စပ်လျဉ်း၍ ဦးစွာ ဤသည်ကို သိထားရန် အရေးကြီး၏။ ကဖ်ဖာရဟ်မှာ လမြတ် ရမဿွာန်၏ ဝါကို ချိုးဖျက်ခြင်းဖြင့်သာ ထိုက်ပေ၏။ အခြားသော ရိုဇဟ်များကို ချိုးဖျက်ခြင်းဖြင့် ကဖ်ဖာရဟ်မထိုက်ပေ။ သို့သာမက ရမ်ဇာန်၏ ရိုဇဟ်ကို ဖြည့်စွက် ထားရာမှ ၄င်းကိုပင် ချိုးဖျက်ခဲ့သော်လည်း ၄င်း၏ ကဿွာသာ ထိုက်ပေ၏။ ကဖ်ဖာရဟ် မထိုက်ပေ။ ကဖ်ဖာရဟ် ဝါဂျစ်ဗ် ထိုက်ခြင်းမှာ နည်းများစွာရှိသည်- ဥပမာ

စသော အခြေအနေများတွင် ကဿွာနှင့် ကဖ်ဖာရဟ် နှစ်ရပ်စလုံး ဝါဂျစ်ဗ် ထိုက်ပေသည်။ (အာလမ်ဂီရ်)

မတ်စ်အလဟ် ရှင်းလင်းချက်(၁)

လမြတ် ရမဿွာန်တွင် တရားတော်မြတ်၌ ပြဋ္ဌာန်းထားသော အကြောင်းတရား မခိုင်လုံဘဲ ရိုဇဟ် ချိုးဖျက်လိုက်ခြင်း၏ ကဖ်ဖာရာဟ်ဒဏ် ဆောင်ချက်မှာ ရိုဇဟ် အလုံး ခြောက်ဆယ်ကို တစ်ဆက် တည်း အဆက်မပြတ် စောင့်ထိန်းရန် ဖြစ်သည်။ အကယ်၍ စောင့်ထိန်းနေစဉ် အကြောင်း တစ်ခုခုဖြင့် လွတ်သွားခဲ့သော် အစမှ ပြန်လည် စောင့်ထိန်းရမည် ဖြစ်ပေသည်။(ဗဟ်ရွရ်ရာအိက်)

မတ်စ်အလဟ် ရှင်းလင်းချက်(၂)

အကယ်၍ ကဖ်ဖာရဟ် ရိုဇဟ်ကို ထမ်းရွက်နေစဉ် ဓမ္မတာ ရာသီ ပေါ်လာသော် ရပ်ဆိုင်းလိုက်ရ၏။ ဤသည်မှာ တရားတော်အရ ခိုင်လုံသော အကြောင်းဖြစ်၍ သန့်ရှင်းပြီးလျှင် ပြီးချင်း ကျန်ရိုဇဟ်များကို ဖြည့်စွက်၍ အလုံးခြောက်ဆယ် ဖြည့်ဆည်းစေရမည်။

မတ်စ်အလဟ် ရှင်းလင်းချက်(၃)

ကဖ်ဖာရဟ်ထမ်းရွက်နေစဉ် သားဖွားခြင်းကြောင့် ထိုဇာဟ်များ ပျက်ပြားခဲ့လျှင် သို့မဟုတ် ကျန်ရစ် သွားလျှင် ထိုကဖ်ဖာရဟ် မမြောက်ပေ။ အစ အလယ် အဆုံး ပြန်လည် စောင့်ထိန်းရပေမည်။ (ဗဟ်ရ်ှသီးဇေဝရ်)

မတ်စ်အလဟ် ရှင်းလင်းချက်(၄)

အမျိုးသမီးတစ်ဦးသည် ရိုဇဟ်စောင့်လျက် အိပ်မောကျနေ၏။ ထိုစဉ် ၄င်း၏ ခင်ပွန်းသည် သူမကို ပေါင်းသင်းလိုက်၏။ ထိုအခါ ရိုဇာဟ်ပျက်သွားတော့၏။ သို့သော် အမျိုးသမီးအပေါ်၌ ကဿွာမျှသာ တာဝန်ကျပေသည်။ ခင်ပွန်းသည် အပေါ်၌ ကဿွာနှင့် ကဖ်ဖာရဟ် နှစ်ရပ်စလုံး ဝါဂျစ်ဗ် ဖြစ်ပေသည်။ (ဗဟဲရ်ှသီးဇေဝရ်)

မတ်စ်အလဟ် ရှင်းလင်းချက်(၅)

ကဖ်ဖာရဟ် ရိုဇဟ်များ စောင့်ထိန်းနေစဉ် ရမဿွာန် လမြတ် ဆိုက်ရောက်လာလေသော် ထိုအခါ ဦးစွာလက်ရှိ ရမဿွာန်၏ ရိုဇဟ်ကို စောင့်ထိန်းရမည်။ အိဒ်ပြီးနောက်တွင် ကဖ်ဖာရဟ် ရိုဇဟ်များကို ပြန်လည် စောင့်ထိန်းရပေမည်။

မတ်စ်အလဟ် ရှင်းလင်းချက်(၆)

လူတစ်ဦးတွင် ကဖ်ဖာရဟ် ရိုဇဟ်များ စောင့်ထိန်းရန် အားအင် မရှိသော် သူဆင်းရဲ ခြောက်ဆယ်ကို ထမင်းနှစ်နှပ် ကျွေးမွေးရပေသည်။ စားသုံးသည့် ဆင်းရဲသားများမှာ အရွယ်ရောက်သူများ ဖြစ်စေရမည်။ကလေးများဖြစ်လျှင် ကဖ်ဖာရဟ်မမြောက်ချေ။ (ရှာမီ)

မတ်စ်အလဟ် ရှင်းလင်းချက်(၇)

သူဆင်းရဲအား မကျွေးမွေးဘဲ တစ်ဦးလျှင် ဆွဒ်ကဟ် ဖိတ်ရဟ်ခန့်မျှ ဂျုံစေ့ကိုသော် လည်းကောင်း၊ တန်ဖိုးကိုသော် လည်ကောင်း ပေးလိုက်လျှင်လည်း ပေးပိုင်၏။

မတ်စ်အလဟ် ရှင်းလင်းချက်(၈)

သူဆင်းရဲတစ်ဦးအား ရက်ပေါင်းခြောက်ဆယ်ထိတိုင် ညမနက် ကျွေးမွေးခြင်း သော်လည်းကောင်း၊ ဂျုံ သို့မဟုတ် ၄င်း၏ တန်ဖိုးကို သော်လည်းကောင်း၊ နေ့စဉ် ပေးဆောင်ခြင်းသည်လည်း ပိုင်၏။ (အာလမ်ဂီရ်)

မတ်စ်အလဟ် ရှင်းလင်းချက်(၉)

အကယ်၍ ရက်ပေါင်း ခြောက်ဆယ်အတွက် ဂျုံစေ့ကို တွက်ချက်၍ သူဆင်းရဲ တစ်ဦးတည်းကိုသာ ပုံ၍ ပေးဆောင်လိုက်လျှင် တစ်ရက်သာမျှ ကဖ်ဖာရဟ်သာ တာဝန်ကျေ၏။ သူဆင်းရဲ တစ်ဦးအား လူတစ်ကိုယ်စာ ဆွဒကဟ် ဖိသ်သိရ်ထက် နည်း၍သော်လည်းကောင်း၊ သာပို၍သော်လည်းကောင်း ပေးဆောင်ခွင့်မရှိပေ။( ရှာမီ)

မတ်စ်အလဟ် ရှင်းလင်းချက်(၁၀)

ရမဿွာန် တစ်လတည်းတွင် ဝါဥပုသ် သုံး၊လေးလုံးကို ဖျက်ပစ်လိုက်သော် ၄င်းအားလုံးအတွက် ကဖ်ဖာရဟ် တစ်ခုတည်းဖြင့် လုံလောက်ပေ၏။ (ရှာမီ)